ຈໍາປາສັກ ກຽມສ້າງສວນພຶກສາຊາດໃຫຍ່ສຸດໃນອາຊຽນ

ທ່ານ ວິຈິດ ແກ້ວບົວພາ  ເຈົ້າເມືອງ ເມືອງປາກຊ່ອງ ໄດ້ເຜີຍຕໍ່ຜູ້ສື່ຂ່າວໃນອາທິດຜ່ານມາວ່າ: ເມືອງປາກຊ່ອງທີ່ຂຶ້ນຊື່ວ່າຜືນແຜ່ນດິນຄໍາ ເຊິ່ງໄດ້ຮັບການພິຈາລະນາ ແລະ ວາງແຜນພັດທະນາຂະໜາດໃຫຍ່ ໂດຍກວມເອົາການສ້າງພະພຸດທະຮູບອົງໃຫຍ່ສູງ 108 ແມັດ, ສ້າງສວນພຶດສາຊາດເຕັມໄປດ້ວຍດອກໄມ້ ແລະ ພັນໄມ້ນາໆຊະນິດ, ສ້າງເປັນແຫຼ່ງທ່ອງທ່ຽວກະສິກໍາຕິດພັນກັບແຫຼ່ງທ່ອງທ່ຽວທໍາມະຊາດ ແລະ ວັດທະນະທໍາ ເຊິ່ງທັງໝົດທີ່ກ່າວມານັ້ນແມ່ນຄວາມພະຍາຍາມຂອງລັດຖະບານ ກໍຄືອໍານາດການປົກຄອງແຂວງດັ່ງກ່າວ ເພື່ອດຶງດູດການທ່ອງທ່ຽວ ແລະ ການພັດທະນາສີຂຽວແບບຍືນຍົງ.

ພ້ອມນັ້ນ, ທ່ານ ວິຈິດ ໄດ້ກ່າວໃຫ້ຮູ້ອີກຕື່ມວ່າ: ເມືອງປາກຊ່ອງ ເປັນດິນແດນທີ່ໜ້າສົນໃຈຂອງນັກລົງທຶນທັງພາຍໃນ-ຕ່າງປະເທດ. ປັດຈຸບັນ, ມີ 74 ໂຄງການລົງທຶນຈາກພາກສ່ວນທັງພາຍໃນ ແລະ ຕ່າງປະເທດເຂົ້າໄປລົງທຶນພາຍໃນເມືອງດັ່ງກ່າວ. ໃນນັ້ນ, ເນື້ອທີ່ປູກກາເຟມີ 45.000 ເຮັກຕາ, ເນື້ອທີ່ປູກພືດຜັກ 1.700 ເຮັກຕາ ແລະ ດິນອີກຈໍານວນໜຶ່ງທີ່ໄດ້ສະຫງວນໄວ້ເປັນແຫຼ່ງທ່ອງທ່ຽວ ລວມທັງວຽກບຸລິມະສິດຂອງເມືອງ.

ໃນປີ 2017 ຜ່ານມາມີນັກທ່ອງທ່ຽວປະມານ 189.000 ຄົນ ເຂົ້າມາຢ້ຽມຢາມ ແລະ ສໍາຜັດອາກາດໜາວ ໃນ 37 ແຫຼ່ງທ່ອງທ່ຽວທີ່ໂດ່ງດັງຂອງເມືອງປາກຊ່ອງ. ຢ່າງໃດກໍດີ, ປະຊາຊົນໃນເມືອງປາກຊ່ອງ ມີຊີວິດດີຂຶ້ນເປັນກ້າວໆນັ້ນຍ້ອນການເຮັດສວນກາເຟ ແລະ ປູກພືດປ້ອນຕະຫຼາດພາຍໃນ-ຕ່າງປະເທດ ໂດຍສະເພາະກາເຟລາວໄດ້ສົ່ງອອກໄປປະເທດສະມາຊິກອາຊຽນ, ຍີ່ປຸນ, ສ.ເກົາຫລີ, ອາເມລິກາ, ເອີຣົບ ແລະ ປະເທດອື່ນໆ, ສ່ວນພືດຜັກກໍສົ່ງເຂົ້າໄປຕະຫລາດໄທ.

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນ, ຮູບພາບຈາກ: ປະເທດລາວ | Laopost

 

ຂໍ້ມູນວຽກທີ່ກ່ຽວຂ້ອງ

ຂໍ້ເຄົ່າ ເສື່ອມ ແລະ ວິທີຮັກສາ

ຂໍ້ເຄົ່າ ເສື່ອມ ແລະ ວິທີຮັກສາ

Ginger ຂີງ ມີດີຫຍັງແດ່?

Ginger ຂີງ ມີດີຫຍັງແດ່?

ຕາຕິດຈໍ ຕາແພ້ແສງ ພະຍາດ ກ່ຽວກັບຕາ ພວກເຮົາມີວິທີປ້ອງກັນ ແລະ ຮັກສາໄດ້

ຕາຕິດຈໍ ຕາແພ້ແສງ ພະຍາດ ກ່ຽວກັບຕາ ພວກເຮົາມີວິທີປ້ອງກັນ ແລະ ຮັກສາໄດ້

ບໍ່ຄວນເບີ່ງຂ້າມ…!! 8 ຄຸນປະໂຫຍດຂອງຜັກກູດ ຜັກພື້ນບ້ານທີ່ໃກ້ຕົວແຕ່ມີປະໂຫຍດຫຼາຍອີຫຼີ?

ບໍ່ຄວນເບີ່ງຂ້າມ…!! 8 ຄຸນປະໂຫຍດຂອງຜັກກູດ ຜັກພື້ນບ້ານທີ່ໃກ້ຕົວແຕ່ມີປະໂຫຍດຫຼາຍອີຫຼີ?

ຈໍາປາສັກ ກຽມສ້າງສວນພຶກສາຊາດໃຫຍ່ສຸດໃນອາຊຽນ

ຈໍາປາສັກ ກຽມສ້າງສວນພຶກສາຊາດໃຫຍ່ສຸດໃນອາຊຽນ